A Policía Local abriu unha investigación para tratar de dar cos responsables das pezas roubadas
Na localidade costeira de Caión detectáronse que dúas ancoraxes de colectores de residuos sólidos urbanos foron desmontadas e roubadas. Unha delas foi xunto á praia das Salseiras e, a outra, no lugar do Campo da Costa. Así mesmo, a área canina sufriu por terceira vez en poucos meses un acto vandálico co resultado da desaparición de parte do peche perimetral e da porta de acceso a este equipamento público.
Ademais da investigación que está a levar a cabo a Policía Local para tratar de dar cos responsables destes actos, solicitase a colaboración cidadá. Pola súa parte, o Concello está a estudar as medidas de seguridade oportunas para protexer os equipamentos públicos. Pero tamén, evitar accións destas características que perturban a tranquilidade dos veciños do termo municipal.
