O uso dos pavillóns polideportivos limitarase a actividades federadas e ás organizadas polo concello
Como medida preventiva o Concello acordou limitar o uso dos pavillóns polideportivos. Faino ante o incremento no número de casos de coronavirus rexistrado nos últimos días no termo municipal da Laracha. O uso destas instalacións limítase á actividade federada e a aquelas que se realizan baixo a organización do Concello e co control dos técnicos e monitores. Por tanto, desde onte non se permitirá o aluguer a particulares dos pavillóns Municipal da Laracha, CEIP Alfredo Brañas de Paiosaco e o de Xermaña en Caión.
Complexo deportivo da piscina municipal
Cumprindo coa normativa autonómica vixente desde a pasada fin de semana, o persoal ao cargo do complexo deportivo da piscina municipal da Laracha –xestionada pola empresa concesionaria Hebe Sport- controla os accesos á instalación. Por iso solicita aos usuarios o certificado de vacinación covid-19 o unha proba diagnóstica negativa (PCR realizadas nas últimas 72 horas ou de antíxenos realizada nas últimas 48 horas). Ademáis tendrán acceso presentando o certificado de ter superada a enfermidade nos últimos seis meses.
Ademais, o complexo deportivo da piscina municipal da Laracha realizará o seu peche técnico anual desde as 14:30 horas do día 24 de decembro e ata o 2 de xaneiro. O 3 de xaneiro abrirá no seu horario habitual. Este peche lévase a cabo para realizar unha completa limpeza do vaso, depósito, circuítos de ACS e condutos de climatización, así como actuacións de mantemento e reparacións puntuais.
