A parroquias son Cabovilaño, Coiro, Lendo, Soandres, Montemaior e Vilaño
Na última sesión da Xunta de Goberno Local foi adxudicada a execución do proxecto de mellora en estradas de seis parroquias do termo municipal. Os proxectos están valorados en preto de 77.000 euros. Inclúen seis intervencións diferenciadas para mellorar as condicións da calzada en Cabovilaño (núcleos de Nogán, As Ribas, A Teixoeira e Cardois), Coiro (O Pereiro) e Lendo (Lista e Os Abelares). Tamén se traballará en Soandres (O Campo Medado), Montemaior (A Ribeiriña e A Cerdeira) e Vilaño (Vilaño Vello). Unha vez adxudicado o proxecto, as actuacións comezarán a executarse nos próximos días.
Por outra banda, na Xunta de Goberno tamén foron concedidas tres licencias urbanísticas, sendo unha delas para a construción dunha vivenda unifamiliar na parroquia de Lestón.
Estrada do cruce de Fragunde e O Pereiro
Así mesmo, continúase desenvolvendo actuacións dentro do plan de mantemento. A última intervención executada localizouse na parroquia de Vilaño, en concreto no cruce entre os lugares de O Pereiro e Fragunde. Alí foi mellorada a capa de rodadura para facilitar o tránsito dos vehículos e aumentar a seguridade viaria. O alcalde, José Manuel López Varela, e o edil de Urbanismo e Obras Públicas, Jesús Souto, supervisaron estas obras, que son financiadas con fondos propios municipais.
