Contémplase a instalación dunha rede de impulsión e a pavimentación de dous camiños que suman 350 metros de distancia
As obras do proxecto de mellora do saneamento e da rede viaria no núcleo de Xermaña, na parroquia de Caión, xa están en marcha. Así o puideron comprobar o alcalde, José Manuel López Varela, e o concelleiro de Obras Públicas, Jesús Souto, esta mañá nunha visita ao lugar.
Este proxecto está valorado en 63.000 euros e inclúe dúas intervencións diferenciadas. Por unha parte, a mellora do saneamento de residuais que contempla a instalación de impulsión para facilitar a evacuación cara a rede xeral.
Por outra banda, tamén está previsto renovar a superficie de rodadura de dous camiños de titularidade municipal situados no mesmo núcleo de Xermaña. Os mesmos, suman unha lonxitude duns 350 metros e que comunican a zona da intervención coa estrada DP-0514.
