Serán adquiridos 230 composteiros e kits de compostaxe doméstica para o proxecto por un importe de 35.000 euros
O Concello da Laracha pon en marcha un novo proxecto para potenciar a compostaxe doméstica. Unha parte esencial do mesmo é a participación das familias residentes en zonas rurais e que dispoñan dunha vivenda unifamiliar con parcela anexa. A iniciativa consiste na cesión gratuíta de composteiros domésticos combinada con campañas informativas. Tamén, visitas de persoal especializado ás propias vivendas para a súa implementación e, posteriormente, para realizar o seguimento e asesorar sobre o uso axeitado do equipamento.
Actualmente o Concello ten en licitación o contrato para a subministración de 230 composteiros e outros tantos kits de compostaxe. Os mesmos, se adquirirán coa colaboración da Consellería de Medio Ambiente, Territorio e Vivenda da Xunta de Galicia no marco da mellora da xestión dos biorresiduos. O investimento alcanza os 35.000 euros.
Reserva gratuita
Cada composteiro ten unha capacidade de 400 litros e está realizado en material 100 % reciclado. Conta cunha tapa superior con peche anti-vento e dobre apertura, así como cun sistema de montaxe sinxelo. Os kits de compostaxe están composto por aireador de aceiro inoxidable, rede antirroedores e manual en papel impreso coa información necesaria para a correcta realización da compostaxe.
Aquelas persoas e familias que cumpran os requisitos establecidos e desexen formar parte desta iniciativa xa poden facer a reserva gratuíta do seu composteiro cumprimentando o formulario que está dispoñible na web municipal (https://www.alaracha.gal/gl/pagina/257/compostaje/) ou poñéndose en contacto co Concello.
A compostaxe doméstica consiste na reciclaxe en orixe da materia orgánica, converténdoa nun abono natural. Ten excelentes propiedades para o solo e que o propio particular pode utilizar substituíndo polos fertilizantes artificiais. Con esta iniciativa procúrase o dobre obxectivo do respecto ao medioambiente e tamén económico. Por unha parte, as vivendas produtoras de compost poderán utilizado para o seu uso persoal e, ademais, reducirase a carga de residuos sólidos urbanos que se depositan nos colectores.
