A entrega dos premios será o xoves 23 na Casa da Cultura
Os membros do xurado dos concursos de Nadal de postais e de contos convocados polo Concello xa otorgaron os premios. Reuníronse na biblioteca municipal da Laracha para valorar todos os traballos presentados a ambos certames polos alumnos dos tres centros de educación infantil e primaria do municipio. Dito xurado estivo formado por persoal técnico municipal e representantes dos colexios CEIP Otero Pedrayo da Laracha, CEIP Alfredo Brañas de Paiosaco e CEIP de Caión.
Ao concurso de postais presentáronse tanto traballos individuais como colectivos. Nestes últimos casos realizados conxuntamente polos alumnos das aulas de educación infantil. Houbo tres categorías de premios diferenciadas por grupos de idade.
O concurso de contos mostrou a imaxinación e facilidade para a escritura dos participantes a título individual, tal e como establecían as bases do certame. Foi dirixido a alumnos do terceiro ciclo (5º e 6º) de educación primaria.
Os doce premios outorgados serán entregados aos gañadores este xoves 23 de decembro, na Casa da Cultura a partir das 12:00 horas. Os agasallos consistirán en xogos e material educativo adaptado ás idades de cada un dos premiados.
Postais
Categoría A (educación infantil)
- Aula de 4º do CEIP Alfredo Brañas
- Aula de 5º do CEIP Otero Pedrayo
- Aula de 6º do CEIP de Caión
Categoría B (primeiro ciclo de educación primaria)
- Naia Abeleira (2ºC do CEIP Otero Pedrayo)
- Yosra Zekraoui (2ºA do CEIP Otero Pedrayo)
- Xela Torreiro Gómez (1º do CEIP Alfredo Brañas)
Categoría C (segundo ciclo de educación primaria)
- Helia Pérez Vicente (4º do CEIP de Caión)
- Román González Otero (4º do CEIP Alfredo Brañas)
- Martín Martínez Pita (3ºA do CEIP Otero Pedray
Contos
- Inés Suárez Boquete (5º do CEIP Otero Pedrayo) por Rumbo antes de Nadal.
- Daniela Añón Nogueira (6º do CEIP Alfredo Brañas) por Juguetes Navideños.
- Marcos Rodríguez Pérez (6º do CEIP Alfredo Brañas) por La ilusión 2021
