O acto, dividido en dúas partes para cumprir o aforo da sala, celebrouse na Casa da Cultura do Concello da Laracha
José Manuel López Varela, alcalde do Concello da Laracha, e a concelleira de Cultura e Ensino, Patricia Bello, fixeron entrega hoxe dos doce agasallos aos premiados nos concursos de postais e contos de Nadal.
A Casa da Cultura da Laracha acolleu a entrega e foi dividido en dúas partes para posibilitar o cumprimento do aforo máximo permitido na sala. Así, primeiro foron entregados os premios colectivos ás aulas de educación infantil. Posteriormente, entregáronse os agasallos individuais ao resto de galardoados. En todos os casos os premios consistiron en libros, material educativo e xogos adaptados ás idades dos gañadores.
O xurado que valorou todos os traballos presentados e outorgou os premios estivo formado por técnicos municipais e representantes dos CEIPs Otero Pedrayo da Laracha, Alfredo Brañas de Paiosaco e Caión.
Postais
Educación infantil
- 6ºA do CEIP Otero Pedrayo
- 4º e 5º do CEIP de Caión
- 4º do CEIP Alfredo Brañas
Primeiro ciclo de educación primaria
- Andrea Regueira Cotelo (2º do CEIP Alfredo Brañas)
- Adrián Cambón Andrade (2º do CEIP de Caión)
- Lucía Lamas Pérez (1º do CEIP Otero Pedrayo)
Segundo ciclo de educación primaria
- Noa González Pena (3º do CEIP de Caión)
- Adriana Lareo Balado (3º do CEIP de Caión)
- Román González Otero (3º do CEIP Alfredo Brañas)
Contos
- Mauro Regueira Caamaño (6º do CEIP Otero Pedrayo) por O espíritu do Nadal
- Marcos Rodríguez Pérez (5º do CEIP Alfredo Brañas) por Una navidad diferente
- Zaira Lorenzo Rodríguez (5º do CEIP Alfredo Brañas) por Os xoguetes non teñen xénero
