A especialidade de conservación e mellora de montes inició a práctica na parcela municipal xunto ao museo de Golmar
Desde agora o Obradoiro de Emprego A Laracha VI compaxina a teoría coa fase práctica. Ela consistente no desenvolvemento das primeiras actuacións sobre o terreo. A especialidade de actividades auxiliares en conservación e mellora de montes comezou os traballos de acondicionamento dunha ampla parcela municipal. Está situada xunto o Centro de Interpretación dos Muíños de Auga da Costa da Morte de Golmar.
O alcalde, José Manuel López Varela, e a concelleira de Emprego, Rocío López, desprazáronse ata ese lugar para manter un encontro tanto co alumnado como coa directora e o mestre. A intención foi coñecer de primeira man as actuacións que se están a levar a cabo. Nos próximos meses, outras intervencións que realizarán centraranse na zona verde situada nas inmediacións do parque empresarial. Tamén, na área recreativa de Gabenlle, onde porán en valor os espazos públicos repoboándoas de árbores e vexetación autóctona. Ademáis, instalarán mobiliario urbano co propósito de mellorar as súas condicións para promover o seu uso e disfrute.
Carpintería e moble
Ao mesmo tempo, a especialidade carpintería e moble tamén comezou a aprendizaxe teórica. Neste caso traballando no taller habilitado polo Concello nun dos edificios municipais do parque empresarial. Os proxectos que executarán son a mellora do paseo fluvial do Anllóns e a renovación do mobiliario urbano. Tamén, a creación dun novo peche perimetral da parcela do Centro de Interpretación dos Muíños de Auga da Costa da Morte de Golmar.
Cabe lembrar que son 25 as persoas que forman parte deste programa dual de formación e emprego. Vinte son os alumnos traballador e outras cinco persoas forman o equipo directivo, formativo e administrativo. Os vinte alumnos traballadores, vinculados ao Concello cun contrato de formación, ademais de acceder a unha remuneración económica durante os nove meses de duración do Obradoiro de Emprego.
