Logo da obra en O Vilar, Erboedo, actuarase en Cendón, O Toural e Longra, ademais de continuar as obras en Vilarmaior
Nesta días realizouse a pavimentación da vía do lugar de O Vilar, onde tamén foi mellorada a rede de recollida de pluviais. A ese lugar acudiron o alcalde da Laracha, José Manuel López Varela, e o concelleiro de Urbanismo e Obras Públicas, Jesús Souto.
Continuando co plan de mellora e mantemento da rede viaria municipal, o Concello ten actualmente en fase de execución dous proxectos. Inclúen unha serie de intervencións que afectan a estradas localizadas en núcleos de varias parroquias, sendo tres delas en Erboedo. A continuación realizaranse actuacións de mellora da superficie de rodadura en Cendón, da mesma parroquia, así como en O Toural e Longra pertencentes a Coiro.
En Vilarmaior
Paralelamente, outro punto de actuación en Erboedo que está en execución na estrada de Vilarmaior. Trátase da ampliación da plataforma da calzada implica a construción dunha escollera dunha lonxitude superior aos sesenta metros. Todas estas intervencións forman parte dos proxectos que incluíron a mellora da rede viaria na estrada entre Requende e A Calvela (Golmar), en A Porta Santa (Lestón) e en Cumiáns e A Fieira (Montemaior). O investimento total alcanza os 200.000 euros.
