O Concello da Laracha solicita a colaboración cidadá para informar sobre a localización dos plumachos para proceder a sua eliminación
Os plumachos, tamén coñecidos como herba da Pampa, é unha especie botánica invasora procedente de Sudamérica. Se estende con facilidade nas zonas próximas á costa galega. No Concello da Laracha a presenza non é elevada, pero detectáronse matas desta planta en determinados espazos de dominio público e tamén en terreos particulares. Polo que é preciso eliminalos para evitar a súa expansión.
As cuadrillas medioambientais municipais actuarán durante os próximos días na retirada dos plumachos localizados en espazos de dominio público. Así mesmo, tamén realizarán esas mesmas actuacións en terreos privados. Sempre que o autoricen os propietarios. Neste sentido, solicítase a colaboración cidadá para informar ao Concello sobre a sua localización para proceder á eliminación.
