Comenzaron os traballos en rúas de Paiosaco nos que investiranse 65.000 euros
Comezaron as obras de renovación do pavimento en dúas rúas do núcleo urbano de Paiosaco, ambas situadas nas inmediacións do recinto feiral. O Concello da Laracha financia integramente as actuacións investindo nelas preto de 65.000 euros. Unha delas discorre por un dos laterais do campo da feira desde a Avenida Bergantiños e a outra, perpendicular a esta, é a rúa José Loureiro.
O proxecto afecta a unha superficie total de 4.210 metros cadrados. Están a ser dotados cunha nova capa de aglomerado asfáltico, contemplándose a continuación a sinalización horizontal e vertical. Ademáis, pintaranse novamente as marcas viarias e das prazas de estacionamento de vehículos.
Polo seu emprazamento, a mellora destas dúas rúas facilitará a circulación para a veciñanza en xeral neste céntrico punto da vila. Así mesmo, aumentará a comodidade no acceso ao recinto feiral. Tamén para os vehículos pesados que no primeiro e no terceiro domingo de cada mes acoden a Paiosaco para desenvolver a actividade comercial.
