«Outono de Contos» ponse en marcha coa colaboración da Xunta de Galicia a través do programa de dinamización da lectura «Ler conta moito»
O Concello da Laracha porá en marcha nesta semana un novo programa infantil de «Outono de contos». Pretende o triplo obxectivo de ofrecer aos nenos unha alternativa divertida para o seu tempo de ocio, favorecer a conciliación da vida persoal e laboral dos seus pais e fomentar a lectura entre os máis pequenos.
Esta nova edición volverase organizar coa colaboración da Xunta de Galicia no marco do «Ler conta monto» para a Rede de Bibliotecas de Galicia. Dos dez espectáculos, nove van dirixidos a nenos a partir dos catro anos de idade. Comezarán ás 18:00 horas e un deles, o do 4 de outubro, é un contacontos para bebés de 0 a 3 anos que principiará ás 12:00 horas.
Como medida de seguridade, é obrigatorio o uso de máscara para todos os asistentes e cada neno poderá ir acompañado unicamente dun adulto. A entrada é gratuíta e ata completar o aforo máximo permitido. A relación de datas, espectáculos e lugares de celebración é a seguinte:
Biblioteca municipal da Laracha
- Venres 25 de setembro: Os contos da bruxa Chispún, de Teatro Calavera
- Domingo 4 de outubro (contacontos para bebés a partir das 12:00 horas): Que animaliño é?, de Trémola Teatro
- Martes 6 de outubro: Estrafalaria, de Xarope Tulú
- Venres 16 de outubro: Contacontos, de Migallas Teatro
Biblioteca municipal de Paiosaco
- Martes 22 de setembro: Maxia de aquí e de acolá, con Dani Méndez
- Mércores 14 de outubro: Os contos da bruxa Chispún, de Teatro Calavera
- Venres 23 de outubro: Aprendendo a querer, de Trinketrinke Teatro
Biblioteca municipal de Caión
- Mércores 30 de setembro: O coelliño branco, de Trinketrinke Teatro
- Venres 9 de outubro: O xigante, de Elefante Elegante
- Martes 20 de outubro: Os soños na gaiola, de Títeres Alakrán
