Estase a instalar unha estación de bombeo no lugar de O Vilar para mellorar a rede de saneamento na parroquia de Cabovilaño
O Concello da Laracha promove e financia integramente o proxecto de mellora da rede de saneamento no lugar de O Vilar. A actuación na parroquia de Cabovilaño, ten por finalidade a instalación dunha estación de bombeo. Ela derivará as augas residuais da zona, procedentes dos núcleos de Nogán, O Cuartel, O Igrexario e O Vilar, á rede que está conectada coa depuradora de O Chamusco.
Deste xeito, mellorarase o tratamento das augas residuais eliminando a antiga fosa séptica existente. Así, será máis segura a rede de sumidoiros neste entorno. O alcalde, José Manuel López Varela, e o edil de Obras, Jesús Souto, desprazáronse ata O Vilar para interesarse polo avance dos traballos. O investimento para a actuación é de 40.000 euros.
