Paralelamente, está en fase de contratación outro proxecto de renovación do pavimento na zona de Erboedo
Laracha ten en fase de execución un proxecto no Igrexario de Erboedo que presenta un dobre obxectivo. Un é mellorar e ampliar as redes de abastecemento de auga ás vivendas e a recollida de pluviais para facilitar a drenaxe e aumentar a seguridade viaria.
O alcalde, José Manuel López Varela, e o concelleiro de Obras Públicas, Jesús Souto, acudiron ao lugar das actuacións en Erboedo. Interesáronse polo desenvolvemento destes traballos. O Concello inviste 42.000 euros procedentes integramente de fondos propios municipais.
Este proxecto complementaranse posteriormente con outra actuación consistente na renovación da superficie de rodadura da rede viaria nesta mesma zona. Actualmente está en fase de contratación. As obras de ampliación das redes de abastecemento e de recollida de pluviais, actualmente en marcha, evitarán no futuro aperturas de gabias que deterioren o pavimento.
