Comenzan nesta semana as obras do proxecto promovido que ten por finalidade mellorar a rede de abastecemento de auga potable na parte alta das parroquias de Golmar e de Vilaño.
A actuación consiste na ampliación da rede coa instalacións duns 1.500 metros de novas tubaxes que recibirán subministro directo por bombeo desde a estación potabilizadora (ETAP) de Gabenlle. Deste xeito reforzarase o caudal no ramal que abastece aos núcleos de poboación da Viña, As Brañas da Viña, Marfulo, O Igrexario de Golmar e O Ramallal. O proxecto, que será financiado integramente con fondos municipais, suporá un investimento de 45.000 euros.
Campaña de desbroce en nove parroquias
A campaña de roza e desbroce de cunetas nas estradas de titularidade municipal comezará a partir de mañá. As parroquias previstas son Montemaior, Soandres, Vilaño, Soutullo, Golmar, Lendo, Lemaio, Erboedo e Coiro. Isto é despois de que o Concello completase recentemente o procedemento de contratación do servizo. Nestas nove parroquias prevese actuar nunha lonxitude lineal duns 242 quilómetros.
Trátase da segunda fase da campaña anual. O concello desenvólvea desde finais da primevera e ata o outono para adecuar a vexetación herbácea das marxes as estradas, vías, pistas asfaltadas e camiños forestais de titularidade municipal.
Neste ano tan atípico, adiantou a obra de execución da primeira fase dos desbroces. Incluíu as catro parroquias máis poboadas do municipio: Torás, Lestón, Caión e Cabovilaño. Estase a facer xa desde maio, despois de que o Goberno central permitise os paseos e a actividade física ao aire libre.
O propósito das obras é aumentar a seguridade e facilitar o tránsito de peóns ante a situación derivada pola Covid-19. Os traballos xa están practicamente finalizados. Destínanse máis de 90.000 euros procedentes de fondos municipais á campaña de desbroce deste ano.
