Nesta semana completarase as obras coa reposición de sinalización e pintado do firme
O delegado territorial da Xunta na Coruña, Gonzalo Trenor, e o alcalde da Laracha, supervisaron o resultado das obras de reforzo de firme na estrada da provincia da Coruña AC-552. O traballo na vía, que une os núcleos de Paiosaco e A Laracha, supuxo un investimento de 83.000 euros.
As actuacións desenvolvéronse na travesía de Paiosaco co fresado e reposición de firme en 1,8 km dunha lonxitude total do tramo de 3 km. Ademais, contemplou a reposición de sinalización e o pintado, que se levará a cabo nesta semana. As obras favorecen a circulación en condicións adecuadas de seguridade e fluidez.
Trenor explicou que esta intervención se inclúe no contrato de conservación e mantemento das estrada de titularidade da Xunta de Galicia. No marco do Plan de reforzos de firme impulsado polo Goberno galego, promóvese a rehabilitación da capa de rodadura nos treitos das estradas que presentan maior deterioración.
