Nos próximos días o corpo municipal de seguridade contará con outro vehículo de similares características mediante o sistema renting
A Policía Local da Laracha dispón desde hoxe dun novo vehículo que foi adquirido, en propiedade, polo Concello coa colaboración económica da Xunta de Galicia. O automóbil foi entregado ao alcalde, José Manuel López Varela, e ao xefe da Policía Local, Víctor Vilanova. Trátase dun Toyota RAV4 híbrido que xa forma parte da flota do corpo de seguridade municipal. Deste xeito aumentarase os seus medios técnicos e de mobilidade para poder prestar un mellor e máis rápido servizo á cidadanía. Ademais, coa máxima eficiencia enerxética e a menor emisión contaminante posible. Nos próximos días incorporarase outro vehículo de similares características ao parque móbil da Policía Local, neste caso mediante o sistema renting. O Concello da Laracha concluíu recentemente o procedemento de contratación.
