O Concello da Laracha pon a disposición da cidadanía unha oficina de atención sobre esta normativa no edificio administrativo
O Concello pon a disposición dos titulares de fincas unha oficina de atención sobre a localización das parcelas que incumplen a normativa galega. A mesma está no edificio administrativo da Laracha (Avenida Fisterra, 60). Pódese solicitar cita previa chamando ao teléfono 981 612811.
Lembramos que o A Laracha está adherida ao convenio de colaboración subscrito entre a Xunta de Galicia, a Federación Galega de Municipios e Provincias (Fegamp) e a empresa pública de servizos agrarios Seaga. Trátase de potenciar a protección das aldeas en materia de prevención e defensa contra os incendios forestais.
Evitar incendios forestales
En virtude do mesmo, Seaga realizou unha revisión íntegra do estado de cumprimento das obrigas de xestión da biomasa nas parcelas que se atopan nesa área de protección. Isto é, a unha distancia inferior a 50 metros das áreas cualificadas como núcleo rural. Nesas franxas de seguridade ideadas para evitar a propagación do lume, os titulares dos terreos deben cortar e retirar a maleza. Tamén, as especies arbóreas máis combustibles que están incluídas na Disposición Transitoria 3ª da Lei 3/2007 de prevención e defensa contra os incendios forestais de Galicia. Entre elas atópanse os pinos, eucaliptos, acacias, toxos, silvas e fentos.
O informe sobre o resultado da inspección elaborado polos supervisores de prevención constatou incumprimentos da normativa nun total de 849 parcelas. Ditas notificacións están a ser remitidas aos seus titulares por correo postal. Nesa comunicación infórmase da superficie afectada e unha estimación provisional do custe económico das actuacións a realizar.
