A inscrición as actividades no Museo de Golmar do mes de outubro e gratuíta
O Concello da Laracha organizará actividades no Centro de Interpretación dos Muíños da Costa da Morte durante o mes outubro.
- Domingo día 3: Ruta da muiñeira a ritmo do río Acheiro, andaina incluída no programa A Laracha Activa. 4,2 quilómetros e dificultade baixa, polo que a inscrición está aberta a todos os públicos cubrindo o formulario que estará dispoñible na web alaracha.gal a partir de hoxe, 27 de setembro.
- Sábado 16: Contos do Mundo, un contacontos para nenos de 5 a 10 anos que realizará a entidade Solidariedade Internacional de Galicia. Trátase dunha proposta educativa que pretende achegar outras culturas e realidades diferentes. Poñe en valor e fomentando unha mirada positiva cara o diferente.
Para nenos e nenas
Ademais, os nenos de 6 a 12 anos poderán participar en dous obradoiros que se levarán a cabo no Centro de Interpretación.
Sábado 23: Pirámide da Alimentación. Os cereais e a dieta atlántica. Versará sobre a importancia dos cereais na alimentación equilibrada. Preséntase como un xogo no que ir aprendendo a importancia da nosa dieta atlántica avaliada pola Xunta de Galicia e a Universidade de Santiago de Compostela. Montarase unha pirámide alimenticia e aproveitarase para repasar como son en galego os nomes das diferentes froitas, legumes, peixes, cereais, etc.
Venres 29: O Samaín, unha festa tradicional do rural galego co acendido dunha cartela, contos na lareira do Centro de Interpretación, proxección de sombras na aula escura, diferentes obradoiros orixinais, colares de castañas, valeirado de cabazas e moitas sorpresas.
Tamén se require inscrición previa para participar nos obradoiros cubrindo o formulario na web municipal a partir de hoxe.
Aberto ao público
O Centro de Interpretación dos Muíños de Auga de Golmar conta co distintivo de centro azul polo seu labor de educación ambiental que se pon de manifesto coa organización deste tipo de obradoiros. Ademais, o museo está aberto ao público os venres o os sábados en horario de 10:00 a 14:00 horas. Tamén poden concertarse visitas de grupos en calquera outra data.
