Afecta a 37 quilómetros lineais de estradas na rede viaria municipal situadas nas parroquias de Montemaior, Soandres, Coiro, Lemaio, Lendo e Cabovilaño
Está en execución o proxecto de limpeza e conservación de cunetas na rede viaria de titularidade municipal situadas nas parroquias de Montemaior, Soandres, Coiro, Lemaio, Lendo e Cabovilaño. As actuacións realízanse integramente con fondos propios municipais de preto de 50.000 euros. O obxectivo é mellorar as condicións das vías e aumentar a súa capacidade de evacuación, aumentando a seguridade ao favorecer a drenaxe. Tamén, evitar que se xeren encharcamentos tanto nas estradas como nas propiedades limítrofes.
Inclúese a completa limpeza das cunetas, tubos e gabias, a formación do arcén e perfilado dos noiros. Ademáis, poda das polas saíntes, transporte da terra e outra materia vexetal retirada e desbroce e limpeza. O proxecto contempla intervencións a ambas marxes das estradas e a mellora dun total de 37 quilómetros lineais de cunetas.
Parroquias
En concreto, as vías obxecto das actuacións afectan na parroquia de Montemaior aos núcleos de A Panela, O Viso, Goexe, Propeste, Santa Margarida, O Canedo, A Chamusqueira, Nebrexe, As Cernadas, A Pena, A Baiuca, A Castiñeira, A Casanova, A Fieira, Vilariño, A Medorra, Casas Longas e O Igrexario; en Soandres a O Priorato, As Senras e Encián; en Coiro a Gudís, O Pazo Vello, A Painceira e O Casal do Monte; en Lemaio a Pedrarrubia, O Pereiro, O Igrexario, A Fraga e A Pedreira; en Lendo ao acceso a O Bastón e en Cabovilaño á estrada entre O Feal e A Rega.
José Manuel López Varela, alcalde de A Laracha e o concelle Jesús Souto, desprazáronse á estrada que comunica Santa Margarida con O Canedo, en Montemaior. A finalidade foi interesarse polo inicio dos traballos. Este proxecto terá continuidade posteriormente con outra actuacións de similares características que afectará a estradas doutras parroquias e cuxa execución está prevista para este ano.
