Xa están en marcha as obras de mellora da rede viaria en estradas da parroquia de Cabovilaño
O proxecto na parroquia de Cabovilaño contempla dúas intervencións diferenciadas. Unha delas afecta á vía que comunica os núcleos de A Braña e A Teixoeira pasando por A Cacharra. Ademais da mellora do firme, serán acondicionados os sobreanchos. Así mesmo, a outra actuación centrarase na mellora do pavimento da estrada no lugar de Os Mouriños, na que tamén se renovará a capa de rodadura. Ambas intervencións estanse a executar de xeito simultáneo.
O orzamento deste proxecto ascende a 57.000 euros. Serán investidos na mellora dos accesos rodados cara eses núcleos de poboación rural e no aumento da seguridade viaria, cuestións prioritarias na axenda do goberno municipal.
