O Bng da Laracha denuncia a presenza de madeira retirada do monte nunha estrada desde hai meses
«Semella que algunhas empresas campan ás súas anchas no concello da Laracha. Se hai pouco denunciabamos o destrozo dun camiño, agora temos que denunciar novamente a presenza de madeira e restos dunha tala nunha estrada en Soandres. No cruce da Tapia e Maunlle, no mesmo lugar onde xa o denunciamos hai meses e alí continúa a madeira», asegura Xoan Sande, voceiro municipal do Bng.
«O Concello da Laracha -engade- conta cunha ordenanza na que se especifica moi clariño que as empresas teñen que deixar limpas as estradas e camiños despois dos traballos de retirada dos montes. Tamén, o prazo no que o teñen que facer, e as sancións que pode impór o concello cando iso non se cumpre. Queremos instar ao goberno municipal a tomar as medidas oportunas para facer cumprir esa ordenanza».
«Seghe a madeira alí. Sen señalizar, retos da madeira tirados pola estrada que moitas veces quedan enghanchados nos baixos dos coches. Emborcaron unha sinal que apoian nelas. Romperon unha sinal de stop no mesmos cruce da Tapia. Só queda o pau de ferro a sinal estará enterrada entre os restos da tala. Ademais é un cruce no que houbo acidentes e puxeron esa sinal de stop para evitalos», afirma un veciño da zona.
All-focus 
All-focus
