Lémbrase que existen os servizos gratuítos de Punto Limpo e recollida a domicilio de voluminosos para poder desfacerse do lixo de xeito seguro e responsable
O Concello da Laracha detectou e eliminará nas próximas horas un vertido incontrolado de lixo na parroquia de Coiro. Máis precisamente, no cruce da estrada que comunica os lugares de O Cruceiro e A Fontefría. O vertido componse de elementos voluminosos como colchóns, sofás, xogos infantís e carriño de bebé, entre outro material.
Debido ao emprazamento no que foi depositado, a carón dos colectores de residuos sólidos urbanos, unha das posibilidades que baralla o Concello é que as persoas responsables actuaron deste xeito por descoñecemento. O procedemento a seguir para desfacerse deste tipo de residuos debe ser de maneira segura e sen provocar posibles danos medio ambientais.
É por iso que o Concello pide a colaboración cidadá para evitar este tipo de situacións. Lembra que o Punto Limpo é un servizo municipal gratuíto para os usuarios que garante que a eliminación dos residuos, se realice dun xeito responsable. O material que poida ser reciclado reciba un tratamento especial. Está a disposición de todos os veciños do municipio no Formigueiro, moi preto do casco urbano da Laracha. Os horarios son: luns de15 a 20 horas, mércores e venres de 16 a 20 horas e sábados de 9 a 14 horas. Ademais, existe un servizo de recollida de voluminosos a domicilio, tamén gratuíto para a veciñanza, que pode solicitarse vía telefónica al 981 97 11 00 ou 647 76 32 76. E por correo electrónico na dirección puntolimpolaracha@aspaber.com
