Os traballos consisten na limpeza e nivelación de toda a superficie do areal
O Concello da Laracha está a levar a cabo os labores de limpeza e á posta a punto tanto do paseo marítimo de Caión como da praia e os seus espazos complementarios. A finalidade é que lograr óptimas condicións de cara á Semana Santa. Na praia estase a acometer unha intervención con medios mecánicos en toda a súa superficie. O obxectivo de recoller o lixo e nivelar determinados puntos que así o requiría debido ao arrastre de area provocado nos últimos meses pola acción das mareas.
Simultaneamente, as brigadas medioambientais municipais continúan actuando no entorno da praia, tanto na zona do sendeiro de Saldoiro como nos espazos verdes e nos entornos dos aparcamentos de vehículos, realizando os desbroces e a limpeza da vexetación existente. Ante a previsión dunha maior afluencia de visitantes en Caión durante os próximos días, o Concello lembra que tamén na praia deben respectarse as mesmas medidas preventivas contra o coronavirus que no resto dos espazos públicos, sendo obrigatorio o uso da máscara facial e non estando permitidos os grupos de máis de seis persoas.
Máis limpeza en cunetas
Por outra banda, o Concello iniciou a execución dun novo proxecto de limpeza e conservación de cunetas. Os traballos son nas parroquias de Cabovilaño, Caión, Erboedo, Golmar, Lestón e Vilaño. Invístense 45.000 euros procedentes integramente de fondos propios municipais para mellorar as condicións das vías e seguridade viaria.
Están afectadas a parroquia de Caión: Xermaña, A Pedreira, O Outeiro e Alvite. Tamén Cabovilaño: O Cancelo de Abaixo, A Telleira, O Igrexario, Padronelo, A Casanova e O Cuartel. Ademáis en Erboedo: Paredes, O Piñeiro, Erboedo de Abaixo, O Igrexario, San Paio, O Campo da Ran e Reirís. En Golmar: As Talladas e San Cristovo. En Lestón: O Cruceiro, Centulle e A Porta Santa; e en Vilaño: Fragunde, Fornelos e Vilanova.
Este proxecto é de similares características ao que se está a executar xa desde principios de marzo en Soandres, Coiro, Lemaio, Lendo e Cabovilaño. En total, entre ambas actuacións o Concello inviste 95.000 euros no acondicionamento de 71 quilómetros lineais de cunetas da rede viaria municipal.
