A inscrición ao golf foi gratuita dentro do programa de actividades culturais e deportivas da Laracha
Unha quincena de rapaces de idades comprendidas entre oito e once anos participaron da xornada de iniciación ao golf. Se realizou nas instalacións do Hércules Club de Golf de Larín. A actividade é unha das novidades deste ano no programa municipal cultural e deportivo.
A inscrición foi gratuíta para os participantes, que disfrutaron do cursillo de tres horas de duración e tamén dun almorzo. En cumprimento das medidas de seguridade, os nenos dividíronse en tres grupos con outros tantos monitores do club
As xornadas de golf e ao surf foron as primeiras das propostas do programa municipal que xa está en marcha. O obxectivo esencial é facilitar a conciliación das familias con nenos ao seu cargo.No resto das propostas do programa hai prazas dispoñibles e o prazo de inscrición sigue aberto.
Trátase dos campamentos multiactivos a realizar no complexo deportivo do campo de fútbol Municipal da Laracha. Tamén a xornada multiaventura e Mazaricos, paintball en Cacheiras de Teo e barranquismo no río Almofrei. Además, paddle surf, kaiak e travesías en barco en Caión.
Denuncia para sete menores por consumir alcohol
Por outra banda, na tarde de onte, en torno ás 19:20 horas, a Policía Local presentouse na área recreativa de Gabenlle. Foi despois de recibir a chamada telefónica dun particular poñendo en coñecemento que un grupo de rapaces realizaban un botellón.
Ali, comprobaron que estaban a incumprir a normativa vixente en materia de consumo de bebidas alcohólicas na vía pública. Os efectivos do corpo de seguridade municipal procederon á identificación destas sete persoas, que resultaron ser menores de idade, e a realizar a correspondente acta de denuncia.
O Concello da Laracha solicita a colaboración cidadá e apela á responsabilidade persoal para preservar os espazos públicos como lugares de convivencia e civismo. Máis aínda nunha época como a actual na que é preciso extremar as medidas de seguridade.
