O proxecto é promovido por Gandeiría Montemaior
Na última sesión ordinaria da Xunta de Goberno Local acordou conceder a licenza urbanística para a ampliación dunha granxa na parroquia de Montemaior, A Laracha. O propósito é mellorar o benestar animal e as condicións sanitarias e medioambientais.
O proxecto é promovido por Gandeiría Montemaior S.L., dedicada á venta de leite e gando vacún. A actuación prevista ten por finalidade ampliar as instalacións ata máis de 8.000 metros cadrados de superficie cos propósitos de aumentar o benestar animal e as condicións sanitarias e medio ambientais da granxa. Tanto as instalacións actuais como as proxectadas están rodeadas polas parcelas que serven de base territorial para a actividade gandeira da empresa.
