A Consellería do Medio Rural impulsa as obras nas estradas do Concello da Laracha
Comezarán as obras de execución do proxecto de mellora das estradas entre Santa Margarida (parroquia de Montemaior) e A Silva (límite co municipio de Cerceda). A actuación formará parte do Plan marco de mellora de camiños municipais de acceso a parcelas agrícolas. A actuación é impulsada pola Consellería do Medio Rural a través do Programa de Desenvolvemento Rural (PDR) e cofinanciado polo Fondo Europeo Agrícola de Desenvolvemento Rural (Feader).
Consiste na completa renovación do firme desta vía, de gran importancia ao comunicar fincas agrícolas coa estrada DP-2404 que dirixe á Silva. Da tamén acceso ao termo municipal de Carballo por Paradela. Presenta unha lonxitude de 1.250 metros e unha anchura media superior aos cinco metros. Se mellorará tanto a plataforma de rodadura dos vehículos como a drenaxe da estrada para reforzar a seguridade. O orzamento do proxecto ascende a 65.434,08 euros, dos cales a Xunta de Galicia achegará 53.961 euros. O Concello asumirá a parte restante con fondos propios municipais.
Parroquia de Golmar
Na última sesión da Xunta de Goberno Local acordouse remitir á Xunta de Galicia toda a documentación necesaria os trámites administrativos previos á execución do proxecto na estrada de Requesende, na parroquia de Golmar. Contempla a mellora da superficie de circulación dos vehículos coa aplicación dunha nova capa de aglomerado asfáltico en quente. Tamén o acondicionamento dos sobreanchos existentes a consecuencia da realización de diversos peches de parcelas. O investimento superará os 48.000 euros.
A actuación será desenvolvida e financiado integramente pola Consellería do Medio Rural xa que, por solicitude do Concello da Laracha, foi incluída no Plan de Infraestruturas Rurais 2020. Salientar, tamén, que na Xunta de Goberno Local foron concedidas dúas licencias urbanísticas. Unha delas de primeira ocupación e, a outra, para a construción dunha vivenda unifamiliar.
