A superficie do espazo xunto ao parque empresarial alcanza os 45.000 metros cadrados
As brigadas medioambientais municipais realizaron labores de limpeza no espazo de protección ambiental que está integrado no ámbito do parque empresarial. Se sitúa contiguo ao río Vilán, na parte sur da zona industrial. Está xunto ás estradas que comunican O Cancelo (parroquia de Cabovilaño) coa parroquia de Lendo e co núcleo de Arén
En torno a estas datas, realízanse os traballos de mantemento deste parque natural público que está a disposición de veciños e visitantes do municipio. José Manuel López Varela, alcalde do Concello da Laracha, e o tenente alcalde, Martínez Barbeito, reuníronse cos operarios municipais para interesarse polo desenvolvemento dos traballos.
Esta área verde é a máis ampla do municipio ao presentar unha superficie total de 45.000 metros cadrados. Posúe unha gran riqueza medioambiental ao contar cunha densa vexetación arbórea autóctona. A posta en valor deste espazo é unha das actuacións que levará a cabo o Obradoiro de Emprego A Laracha VI que está actualmente en marcha.
