Trátase dun camiño que se atopa na estrada que vai desde onde remata o lugar de Requesende cara a Ferrulleira, en Coiro
Desde o Bng da Laracha denuncian o destrozo dun camiño durante a realización dos traballos de retirada da madeira dun monte. En concreto trátase dun camiño que se atopa na estrada que vai desde onde remata o lugar de Requesende (na estrada da Laracha á Xesta de Soutullo) cara a Ferrulleira (Coiro). «Trátase xusto do primeiro que hai á man esquerda nesa estrada. Quedou completamente destrozado de feito que resulta imposíbel o acceso ás leiras por parte dos propietario. Mesmo cos tractores, xa que hai afundimentos de máis dun metro de altura», asegurn.
Así mesmo agrega: «Desde o grupo municipal do Bng demandamos que o goberno municipal adopte as medidas oportunas para sua reposició, que inste de xeito inmediato aos responsábeis de semellante desfeita á reparación e, de non facelo, que se incaute a fianza depositada para facer fronte á reparación desde a propia administración. Pero isto, sen prexuízo da imposición das sancións que correspondan en aplicación da ordenanza municipal».
