Os danos de maior magnitude foi un desprendemento de terra no Igrexario de Lendo. Tamén na rúa das Pías de Caión e no lugar de O Campo, na parroquia de Torás
As intensas choivas dos últimos días e o forte vento que se deixou notar en Galicia provocaron danos materiais de diversa consideración na rede viaria municipal da Laracha. A incidencia de maior magnitude foi un desprendemento de terra no Igrexario da parroquia de Lendo. Requirirá dunha intervención importante e que está a ser analizada por equipos técnicos. O alcalde, José Manuel López Varela, e o tenente alcalde, José Ramón Martínez Barbeito, desprazáronse ata a zona.
Tamén se produciu un desprendemento de terra, pero de menor entidade, no acceso ao núcleo urbano de Caión pola rúa das Pías, onde o Concello xa realizou as actuacións oportunas para a súa reparación.
Pola súa parte, no lugar de O Campo, parroquia de Torás, foi preciso facer a drenaxe da cuneta. Ademáis da posterior limpeza da estrada que quedará anegada de auga, situación que tamén se produciu na rede viaria próximos ao río Vilán ao seu paso pola parroquia de Cabovilaño. Ademais, a pasarela de madeira do paseo fluvial do Anllóns sufriu danos provocados pola caída de árbores.
En todos os casos os danos producidos afectaron unicamente a infraestruturas públicas municipais. Nos se detectaron danos persoais nin tampouco en bens de titularidade privada.
