O Concello de Arteixo tamén organiza unha charla o mércores ás 20:00 horas en Monteagudo
O Concello da Laracha realizará unha charla informativa sobre o proxecto do parque eólico Pedra Queimada polo que convida a asistir a toda a cidadanía. Será o martes 9 de agosto as 20:30 horas no centro sociocomunitario de Caión.
Dito proxecto consiste na instalación de dous aeroxeneradores de 5,7 MW de potencia nominal unitaria. Un deles no termo municipal da Laracha, preto do núcleo de Alvite (Caión) e, o outro en Arteixo, na parroquia de Monteagudo.
O Concello presentará alegacións tanto por considerar que o aeroxenerador previsto en territorio larachés se sitúa moi preto de núcleos de poboación rural (Alvite, Xermaña, O Outeiro, Goxán e O Campo da Costa). Isto supón un negativo impacto paisaxístico e medioambiental, xa que a ubicación é próxima ao litoral de Caión e sería moi visible desde a liña da costa.
Charla en Arteixo
Pola súa parte, o Concello de Arteixo tamén levará a cabo unha iniciativa de similares características e aberta a toda a cidadanía, incluídos os veciños da Laracha. Neste caso a charla informativa será o mércores 10 de agosto ás 20:00 horas no Bar O Muíño de Monteagudo. O prazo para que calquera persoa que así o estime poida presentar alegacións permanecerá aberto ata o 17 de agosto.
