Os alumnos-traballadores do programa de formación e emprego, actuan no interior e exterior do centro sociocultural
A especialidade de pintura industrial do obradoiro de emprego A Laracha V, está a traballar no centro sociocultural de Paiosaco. Realizan unha ampla intervención tanto no exterior como no interior das instalacións. As actuacións comezaron nas diferentes salas do interior do edificio –centro social da terceira idade, biblioteca e aulas-. Tamén, nas zonas comúns –recibidor, canón das escaleiras de acceso ao salón de actos, etc.-.
Agora estase intervindo, simultaneamente, nas fachadas exteriores, que están a ser obxecto dunha limpeza integral. A continuación, aplicaráselles fibra reparadora e unha nova pintura de caucho impermeabilizante. Ademáis, se realizarán traballos de similares características no acceso principal, incluíndo tanto a marquesiña da entrada como o muro da rampla.
O alcalde, José Manuel López Varela, e a concelleira de Emprego, Rocío López, acudiron a Paiosaco para manter un encontro co alumnado traballador e o persoal docente.
Esta especialidade de pintura xa realizara outras intervencións na Casa da Cultura, edificio administrativo e Casa do Concello. Mentres, a outra especialidade, a de carpintería de madeira, centra a súa actividade na renovación da pasarela do paseo fluvial do Anllóns.
O obradoiro remata no mes de decembro
Lembramos que o obradoiro de emprego A Laracha V, o programa dual de formación e emprego promovido e financiado polo Concello e a Xunta de Galicia, continúa desenvolvendo a súa actividade práctica. Participan vinte alumnos traballadores –dez en cada unha das dúas especialidades-, ademais das cinco persoas que forman o equipo directivo, docente e administrativo.
O obradoiro rematará no mes de decembro e ten un orzamento total de 863.000 euros. O Concello da Laracha e a Xunta de Galicia continúan apostando por estes programas duais de formación e emprego. Eles, permiten aos alumnos-traballadores acceder a unha remuneración económica durante o seu desenvolvemento. Pero tamén, aprender unha profesión e realizar actuacións de interese xeral para a veciñanza do termo municipal. Ao completar de xeito óptimo a especialidade correspondente recibirán o certificado de profesionalidade. Así, acreditarase a súa formación, cualificación e competencia para o exercer a profesión, mellorando por tanto a súa empregabilidade e facilitando a posterior inserción no mercado laboral.
