A Xunta concede ao Concello un préstamo para rehabilitar a Casa Reitoral de Montemario e destinala a albergue.
A Xunta de Galicia concede ao Concello da Laracha, un préstamo sen xuros por 712.000 euros para rehabilitar a Casa Reitoral de Montemaior e destinala a albergue.
Neste sentido, a Consellería de Medio Ambiente, Territorio e Vivenda financia con 712.808,01 euros a rehabilitación. A obra será realizada polo Concello co fin de destinar o inmoble a albergue con capacidade para 25 persoas. Esta financiación é posibel grazas a un préstamo concedido polo Instituto Galego da Vivenda e Solo. O préstamo é con cargo ao Fondo de cooperación para rehabilitación e conservación do patrimonio construido dirixido a entidades locais.
Por otro lado, estos préstamos teñen como obxectivo, entre outras cuestións, adquirir e rehabilitar inmobles en estado deficiente de conservación como medida de protección do patrimonio cultural e arquitectónico, do medio ambiente, da paisaxe e do territorio.
Destacar que é a primeira vez que A Laracha se beneficia destes préstamos, que deberán ser reintegrados polo municipio nun prazo máximo de 8 anos.
Tamén no período 2026-2021, concedéronse préstamos por un importe de máis de 11,3 millóns de euros para financiar 50 actuacións nun total de 23 concellos. Na convocatoria deste ano, outorgáronse outros 29 por importe de 6,62 millóns de euros a 21 concellos.
Ademais salientar que este fondo se financia con cargo ás fianzas de alugueiro depositadas no IGVS, cuxa devolución aos depositarios está plenamente garantida. As cantidades devoltas polos concellos pasan a integrarse novamente no fondo para que poidan ser reutilizadas en novos préstamos.
Para rematar, a través deste instrumento de financiamento, a Xunta contribúe a facilitar aos concellos as actuacións subsidiarias de rehabilitación nos casos en que os propietarios dos inmobles desatendan as súas obrigas, dado que a normativa vixente permite aos municipios actuar subsidiariamente e despois reclamar aos propietarios o importe das actuacións realizadas.
