O Concello completou o procedemento de adquisición do terreo da carballeira para recuperado, conservalo e poñelo en valor econatural
O Concello da Laracha vén de completar o procedemento de expropiación das fincas que albergan a carballeira de San Fins. Un dos paraxes naturais mellor conservados do termo municipal xa é titularidade municipal. O alcalde, José Manuel López Varela, e os edís Jesús Souto e Pablo Cambón, visitaron o espazo adquirido, que está situado na parroquia de Montemaior.
O Concello investiu 72.620,81 euros con fondos propios municipais na compra de 21.716 metros cadrados de superficie repartidos en doce parcelas catastrais. Están cualificadas no Plan Xeral de Ordenación Municipal (PXOM) como solo rústico de protección natural polo sistema de espazos libres. O ámbito destaca pola presenza de vexetación e árbores autóctonas –nalgúns casos centenarias- como carballos, castiñeiros e acevos, entre outras especies.
Alto valor medioambiental
Promoveranse agora diversas iniciativas para recuperar, consolidar e poñer en valor econatural este espazo. Ten un alto valor medioambiental para aproveitar o seu potencial, especialmente nos aspectos didáctico e educativo. Os primeiros plans de actuación centraranse na mellora dos accesos á carballeira e na elaboración dun inventario con todas as especies existentes. Nel se reflicta o seu estado de conservación e as accións a desenvolver para protexer o ámbito en xeral e os exemplares de maior singularidade en particular.
