Xoán Sande, portavoz municipal do Bng dí que «non se xustifica o peche dunha unidade, polo que demandaremos o seu mantemento»
Desde o Bng da Laracha informan de que o grupo presentará unha iniciativa no Parlamento Galego en relación co peche dunha unidade no CEIP de Caión. A comunidade deste colexio foi informada recentemente de que no vindeiro curso pechará unha das seis unidades coas que viñan contando no curso pasado. «Un novo recorte no ensino público nun concello coma o da Laracha. Xa perdemos todas as escolas unitarias despois do recente peche da de Montemaior«, afirma Xoán Sande, portavoz municipal nacionalista.
«Desde o Bng opómonos a este recorte nun colexio que conta con varios alumnos con necesidades especiais. Non se xustifica o peche dunha unidade, polo que demandaremos da Xunta de Galicia o seu mantemento», engade.
