Estase colocando en Gabenlle pavimento de celosía de céspede e outras actuacións de conservación deste espazo natural
O Obradoiro de Emprego A Laracha VI está a realizar unha ampla intervención na área recreativa de Gabenlle. Unha das actuacións principais consiste na colocación dun pavimento de celosía no espazo máis próximo á entrada principal. Este material permite o crecemento do céspede. Por iso ten un dobre obxectivo: facilitar o tránsito a pé e embelecer a zona.
Outros traballos que se están a levar a cabo simultaneamente céntranse no perfilado dos itinerarios xa existentes e o resementado de céspede nas zonas que así o requirían. Pero tamén, a eliminación da vexetación seca, conservación das árbores autóctonas, mellora do sistema de rego automático e renovación do mobiliario.
O alcalde, José Manuel López Varela, xunto aos concelleiros José Ramón Martínez Barbeito e Rocío López, acudiron á área recreativa de Gabenlle para manter un encontro cun dos mestres e con parte do alumnado-traballado.
Formación e emprego
Forman parte desde programa dual de formación e emprego un total de vinte e cinco persoas. Vinte son os alumnos traballadores vinculados ao Concello cun contrato de formación e outras cinco persoas son o equipo directivo, formativo e administrativo composto por unha directora, un mestre para cada unha das dúas especialidades, un mestre/titor e un auxiliar administrativo.
Outras actuacións que se están a realizar a través do Obradoiro de Emprego A Laracha VI son a mellora do entorno do museo de Golmar e do paseo fluvial do Anllóns e a creación no taller de mobiliario urbano que será instalado en diferentes puntos do Concello.
