A ampla actuación consiste na substitución das táboas danadas e aplicación dun produto con efecto antideslizante
As ribeiras dos ríos son zonas de alto valor natural e paisaxístico nas que o Concello da Laracha realiza actuación de xeito continuado. Fano especialmente durante a época do verán para poñelas en valor e animar á cidadanía a descubrilas e gozar delas.
Actualmente estase intervindo na mellora dos dous paseos fluviais. O Obradoiro de Emprego A Laracha VI actúa no do río Anllóns. Pola súa parte, as brigadas medioambientais municipais traballan no do río Vilán, na parroquia de Cabovilaño.
Neste último, á altura de O Cancelo, o alcalde, José Manuel López Varela, e o tenente alcalde, José Ramón Martínez Barbeito, realizaron unha visita aos empregados municipais. Interesáronse polas tarefas que están a levar a cabo, consistentes na substitución das táboas danadas e na aplicación dhun tratamento para madeira en exteriores. O resultado é un efecto antideslizante. Desde xeito non so renova a estética da pasarela do paseo fluvial, tamén mellora a seguridade en beneficio dos usuarios.
