Os espazos presentan unha superficie de 4,5 hectáreas con densa vexetación arbórea autóctona
As cuadrillas municipais de obras e servizos do Concello da Laracha acometen cada verán diversas actuacións en espazos públicos. Recentemente, interviñeron na extensa área de protección ambiental que está integrado no ámbito do parque empresarial. O mesmo se sitúa contiguo ao río Vilán, na parte sur da zona. Tamén está xunto ás estradas que comunican O Cancelo (Cabovilaño) coa parroquia de Lendo e co núcleo de Arén.
As cuadrillas municipais que prestan servizo desde primeiros de xuño están formadas por nove persoas. Foron incorporadas polo Concello por un período de seis meses no marco do Plan de Emprego Local (PEL) 2022 da Deputación da Coruña.
Outros puntos de intervención nas últimas semanas inclúen:
- entorno do río Anllóns ao longo do paseo fluvial
- Castro de Montes Claros
- miradoiro do coto de San Marta
- entornos das igrexas parroquiais
Estrada de Vilaño
Por outra banda, o Concello vén de executar un amplo proxecto de mellora da rede viaria na parroquia de Vilaño que supón un investimento de 144.000 euros. A intervención afectou á estrada que discorre por Ribela, As Cruces, Marfulo e remata en A Piña, onde se realizou a renovación da superficie de rodadura coa aplicación dunha capa de aglomerado asfáltico en quente. A lonxitude lineal alcanza os 2.000 metros, cunha anchura media da calzada duns 5,5 metros. As obras complementaranse coa correspondente sinalización vertical e horizontal para aumentar a seguridade viaria.
