Ofértanse un total de 398 prazas nas actividades que requiren de inscrición previa. Ademáis haberá espectáculos de rúa e cine para todos os públicos
O Concello da Laracha presenta o programa de verán de actividades culturais, deportivas e de ocio. Se desenvolverá desde a segunda semana de xullo e ata principios do mes de setembro. A programación estará adaptada ás especiais circunstancias provocadas pola Covid-19, sendo limitadas as prazas ofertadas. A medida, e adoptada para cumprir os aforos máximos permitidos. Ademáis, é obrigatorio que os participantes acudan a elas con máscaras.
A maioría das actividades van dirixidas ao público infantil. Un dos obxectivos esenciais é facilitar a conciliación da vida persoal e laboral das familias con nenos ao seu cargo. As prazas dispoñibles son 398 entre todas as disciplinas.
Neste verán non se poderán celebrar os tradicionais campamentos municipais na praia de Caión. Éstes son substituídos polos campamentos multiactivos que se levarán a cabo no campo de fútbol e pavillón municipais da Laracha. Será en catro quendas de cinco días de duración cada unha delas en horario de mañá y van dirixidas a nenos de entre 4 e 12 anos.
Surf, golf, multiaventura…
Así mesmo, en xullo ofértanse ao público infantil sendos cursos de iniciación ao surf en Caión, e ao golf no campo de Larín. En ambos casos, se realizará en dúas quendas para permitir a participación dun maior número de persoas. Tamén dirixidas aos nenos están as xornadas multiaventura a realizar en Mazaricos os días 23 e 30 de xullo.
A iso súmase a xornada de paintball en Cacheiras de Teo (6 de agosto, para maiores de oito anos) e o barranquismo no río Almofrei (20 de agosto, para maiores de 12 anos de idade).
En agosto, Caión será o lugar de realización doutras tres actividades. Elas son paddel surf (día 11, para maiores de 10 anos), kaiak (18 de agosto, tamén sendo necesario ter cumpridos os dez anos de idade) e travesías en barco polo litoral da vila (26 de agosto).
Festas populares
Neste verán de incertezas sobre a posibilidade da celebración das festas populares, o Concello ten programados espectáculos de rúa –ao aire libre- dirixidos a todos os públicos en datas moi simbólicas no termo municipal.
Así, na fin de semana das festas do Carme (18 e 19 de xullo), o porto de Caión acollerá “La Coquette” de Kanbahiota e “Voa, voa!” de Talía teatro. Na fin de semana das festas patronais da Laracha (15 e 16 de agosto), na Praza Olonne Sur Mer haberá os espectáculos “Forzu2 + aéreos” de Circo Chosco e «A gran viaxe» de Inventi Teatro. E o día dos Milagres (martes 8 de setembro), na praza Eduardo Vila Fano de Caión actuará Fantoches con “Monstros no camiño”.
Por último, salientar que o programa tamén inclúe a proxección de cinco filmes ao aire libre, en todos os casos a partir das 22:30 horas, coas películas “Los futbolísimos” (10 de xullo na Laracha), “Ralph rompe internet” (17 de xullo en Caión), “Superlópez” (7 de agosto en Paiosaco) e “Meigallos” (21 de agosto en Caión). Podes ver o programa enteiro na imaxes de debaixo
Colaboran co Concello da Laracha na organización das actividades, a Xunta de Galicia a través da Rede de Dinamización Lingüística e a Deputación da Coruña.
