Permitirase na Laracha a presenza de todos os postos de venda na feira de Paiosaco do domingo
Debido a que as medidas preventivas específicas para a comarca de Bergantiños que entraron en vigor esta noite non afectan directamente ao Concello da Laracha, a feira de Paiosaco deste domingo celebrarase do mesmo xeito que a de hai quince días. Permitirase a presenza de todos os postos de venda, pero coa limitación de que ocupen a metade do espazo habitual.
O conselleiro de Sanidade da Xunta de Galicia, Julio García Comesaña, informou onte o reforzo das restricións en seis dos sete concellos da comarca de Bergantiños. Eles son Cabana de Bergantiños, Carballo, Coristanco, Laxe, Malpica de Bergantiños e Ponteceso. .
Da totalidade dos concellos que integran a comarca bergantiñá, soamente o concello da Laracha permanecerá co mesmo nivel de restricións que mantiña até o de agora.
