Abertas as inscripcións para participar na segunda edición do Trail «Mosteiro de Soandres».
O concello da Laracha e o club Laracha en Dúas Rodas organizan a segunda edición do trail Mosteiro de Soandres que se vai celebrar o día 22 de xaneiro.
A proba consta de tres modalidades diferentes. O propósito é ofrecer a posibilidade de participar a un maior número de persoas adaptándose as características de cada unha delas.
Neste sentido, o evento principal será o trail de 27 km de distancia. Se trata dun percorrido lineal rápido, de mil metros de desnivel positivo que partirá desde o Mosteiro de Soandres e discorrerá por espazos naturais xunto a elementos arqueolóxicos: os fornos dos mouros e a pedra da Cabirta. A parte final será a carón do río Anllóns ata chegar á praza Les Sables d’Olonne da Laracha.
Ademais para o caso do mini trail e tamén a andaina, o percorrido será reducido, de 13 km e un desnivel positivo de 600 metros.
Tamén salientar, dado que a saída e a meta se atoparán en puntos diferentes, a organización porá a disposición dos participantes transporte en autobús desde a praza Les Sables d’Olonne da Laracha ata o mosteiro de Soandres antes do inicio da competición. Ao rematar, serviranse callos aos competidores.
Aberta a inscripción
A inscrición xa está aberta e debe realizarse en LIÑA. Na primeira edición do trial houbo catrocentos corredores. Nesta ocasión agárdase superar esa cifra entre as tres modalidades da proba.
