«Damos por finalizado o Campionato en Ourense con moi boas sensacións, marcas melloradas, mínimas acadadas e máis ganas de seguir adestrando e mellorando»
O pasado fin de semana tivo lugar na piscina Rosario Dueñas de Ourense a primeira xornada da VI Copa de España de Piscina. Os obxectivos de todas e todos os deportistas del Club Salvamento Acuático Laracha-SAL, foron mellorar as súas marcas e aumentar a súa experiencia en competicións nacionais. Ademáis, loitaron por acadar as mínimas para poder acudir ao Campionato Galego e ao Campionato de España das súas respectivas categorías.
O sábado 5 competiron nas categorías xuvenil Nerea Mallo, Martina Sanz, Claudia Diez, Álvaro Hidalgo, Anxo López, Pablo Nicolás Rodriguez e Eloy Ferreiro. Na categoría xunior participaron Mara Puñal, Froilán Pensado e Pablo Amado; e en categoría absoluta, Cristóbal Pensado e Damián Cotelo.
Case todas e todos participaron nas probas 100m socorrista e 100m remolque de maniquí con aletas. Ademais, Anxo e Nerea participaron nos 200m supersocorrista e Anxo e Froilán na 100m combinada de salvamento.
Os resultados a destacar son 4º, 8º e 10º posto en 100m socorrista de Nerea, Anxo e Pablo. Un 2º posto de Anxo na proba 100m combinada de salvamento e un 2º e 6º posto na 200m supersocorrista para Anxo e Nerea. Pola súa parte, Álvaro logró un 7º posto no 100 remolque de maniquí con aletas.
O domingo 6 competiron na categoría cadete Lucía Añón, Iria Barreiro, Gabriela Paulos, Juan Martín Rodriguez e Luis Negreira. Os deportistas participaron na proba 100m remolque de maniquí con aletas e na 200m supersocorrista. En 100m remolque maniquí obtiveron un 7º posto Juan Martín, 12º Luis, 19º Lucía, 31º
Iria e 36º Gabriela.
Nos 200m supersocorrista, Luis e Juan Martín quedaron 6º e 8º, mentres que no equipo feminino contaron cun 12º posto de Lucía, 29º de Gabriela e 33º de Iria.
«Damos por finalizado o Campionato en Ourense con moi boas sensacións, marcas melloradas, mínimas acadadas e máis ganas de seguir adestrando e mellorando», afirman desde o Club Salvamento Acuático Laracha-SAL.
