O reto consiste en aumentar nun 10% a reciclaxe nos contedores amarelos para gañar 2.000 euros e destinalo a unha causa social local
A Laracha é un dos trece municipios galegos participantes no programa «Únete ao reto» de promoción da reciclaxe. Esta iniciativa a impulsan a Consellería de Medio Ambiente, Territorio e Vivenda da Xunta de Galicia e Ecoembes.
Así, o Concello ten a oportunidade de gañar un premio de 2.000 euros para doar a unha causa social local. Para conseguilo é fundamental á implicación da cidadanía. Lograrase incrementando nun 10% con respecto ás cifras dos meses de marzo, abril e maio do ano pasado a reciclaxe dos contedores amarelos. Lembramos que alí se depositan envases de plástico, bricks, latas, etc.
Accións de difusión
Hoxe os promotores da campaña informativa do programa mantiveron un encontro co alcalde, José Manuel López Varela, e o tenente alcalde, José Ramón Martínez Barbeito. No encontro, explicarlles as accións divulgativas que están a levar a cabo e que se prolongarán durante as próximas semanas.
Tamén, comezouse coa toma de contacto cos establecementos comerciais e hostaleiros para implicalos na iniciativa e darlle visibilidade. Además, o domingo día 20 de marzo estarán na feira de Paiosaco para informar á cidadanía e repartir material da campaña. Así mesmo, o mes de abril está previsto continuar as accións de difusión coa instalación dun contedor amarelo xigante. Pódese ampliar información sobre a campaña «Únete ao reto» na súa páxina web https://uneteaoreto.com/
