A Coordinadora para o Estudo dos Mamíferos Mariños impartirá la actividade gratuíta e para todos os públicos
A Coordinadora para o Estudo dos Mamíferos Mariños (CEMMA) ofrecerá o sábado 12 a partir das 11:00 horas un simulacro de rescate de tartarugas e mamíferos mariños. Será na praia de Caión e conta coa colaboración do Concello da Laracha e da Deputación da Coruña.
Así, persoal especializado impartirá este obradoiro coa finalidade de informar aos asistentes sobre o que deben facer no caso de atopar un animal desas características no areal. O obxetivo éo frecerlle os primeiros auxilios e a asistencia oportuna para aumentar as súas posibilidades de supervivencia.
A iniciativa vai dirixida a persoas de todas as idades e é apta para o público familiar. Xa está aberta a incrición que é gratuíta. Debe formalizarse enviando un correo electrónico cos datos dos participantes a cemmasolicitud@gmail.com. Ademais, a CEMMA cederá equipamento á Agrupación de Voluntarios de Protección Civil para facilitar a intervención ante rescates dese tipo.
Lembramos que a Coordinadora para o Estudo dos Mamíferos Mariños (CEMMA) é unha ONG galega fundada en 1992. Esta adicada ao estudo e divulgación dos mamíferos e tartarugas mariñas de Galicia, a través da investigación, promovendo e participando en proxectos con institucións estatais e internacionais. Tamén potencia os aspectos divulgativos mediante exposicións, conferencias e cursos.
