A directora xeral de Xuventude, Participación e Voluntariado, Cristina Pichel, visitou as instalacións que albergarán o Castro de Montesclaros e visitou o Concello da Laracha
A directora xeral de Xuventude, Participación e Voluntariado, Cristina Pichel, visitou A Laracha donde presentou o campo de voluntariado “Castro de Montesclaros”. O proxecto está enmarcado na Campaña de Verán da Xunta de Galicia. Esta actividade, centrada en obradoiros medioambientais, sendeirismo e distintas excursións turísticas, tamén inclúe xogos deportivos ou a elaboración de debuxos arqueolóxicos.
O campo de voluntariado, que se desenvolverá no concello, forma parte das 13 novas propostas que se engaden este ano como novidade á Campaña de Verán. Ofrece un total de máis de 7.800 prazas. Todos os campos de voluntariado contarán coa participación de 12 persoas para axudar a cumprir as medidas de prevención fronte á covid-19.
Os participantes no Castro de Montesclaros levarán a cabo labores de limpeza no castro. As actividades ián dende a delimitación do terreo ata a súa limpeza total coa poda e eliminación da cuberta vexetal. Ademais, traballarase na protección da biodiversidade, animal e vexetal da zona.
A directora xeral de Xuventude Participación e Voluntariado puxo en valor o labor que os campos de voluntariado fan na mocidade galega. Destacou que fomentan a educación en valores, o traballo en equipo, asentando a cultura solidaria e a preocupación polo mantemento do medioambiente.
Outros campos
Para os campos de voluntariado que teñan lugar en Galicia o prazo de inscrición estará aberto ata cinco días antes do comezo de cada un. Para os que se celebran noutras comunidades autónomas habilítanse dúas convocatorias. A primeira delas rematou o pasado día 21, mentres a segunda abriuse o 1 de xuño e pechará cinco días antes do inicio do campo. A solicitude presentarase mediante un formulario en liña e cada persoa solicitante deberá escoller, por orde de prioridade, ata un máximo de cinco campos de voluntariado. As prazas serán adxudicadas por rigorosa orde de recepción.
