A Bandeira Verde foi izada polo alcalde, José Manuel López Varela, e o director do Instituto de Estudos do Territorio, Enrique Salvador.
A Bandeira Verde de Galicia é un símbolo do recoñecemento da Xunta polo labor a prol da protección da paisaxe e do medio ambiente.
Así, neste ano, son quince os municipios galegos que obteñen este recoñecemento ao ser considerados como os máis dinámicos neste eido por desenvolver boas prácticas para o coidado da contorna, o respecto da paisaxe, a minoración das emisións de CO 2 e a redución do consumo enerxético.
Por iso, entra as accións levadas a cabo polo Concello da Laracha e que posibilitaron a concesión deste distintivo, cabe salientar a renovación da iluminación pública e das instalacións municipais por luminarias tipo LED de maior eficiencia enerxética, a implantación da quinta fracción da recollida selectiva (colector marrón de orgánicos), humanización de rúas, creación e mellora de sendas peonís e accións de sensibilización en material medioambiental, entre outras iniciativas.
Ademais, a Bandeira Verde, creada no 2020 e outorgada por primeira vez á Laracha neste ano, pretende convertese nun distintivo que sexa recoñecido pola
cidadanía, turistas e visitantes para fortalecer a imaxe dos municipios máis comprometidos nos ámbitos ambiental, paisaxístico e de respecto ao patrimonio natural.
Tamén a Bandeira Verde de Galicia avala as políticas municipais nestes campos e «é un aliciente para continuar realizando no futuro accións destas características«, apuntan desde fontes municipais.
