«Nao-Cetáceos. Baleas. Faros e navíos da Costa da Morte» é o nombe da exposición en Caión aberta ata o 13 de xaneiro.
Para amantes de baleas, etc: desde o venres 16 de decembro e ata o 13 de xaneiro, pode visitarse en Caión a exposición de acuarelas mariñas do ceense Xosé Iglesias. O centro sociocomunitario alberga esta exposición que leva por nome «Nao-Cetáceos. Baleas. Faros e navíos da Costa da Morte».
O autor ceense «é un mariñeiro galego con certas inquedanzas de artista en proceso de autoaprendizaxe«, apuntan da súa personalidade.
Ademais entre os traballos que expón podense apreciar:
- polbos danzando
- faros alumeando
- barcos en plena metamorfose
- e as baleas como parte inseparable do mar da Costa da Morte e da historia da vila de Caión
Tamén Xosé Iglesias pretende que a mostra «sexa unha expresión artística de amor ao Atlántico, aos seus navíos pesqueiros, aos sentinelas da noite, á fauna salvaxe e, sobre todo, a eses seres xigantes que tanto supuxeron noutrora para as economías da zona«.
Aclarar que a exposición pode visitarse ata o 13 de xaneiro no horario de apertura das instalacións do centro sociocomunitario de Caión: de luns a venres entre as 17:00 e as 20:00 horas.
