O alcalde da Laracha, José Manuel López, valora a xestión do actual goberno galego e afirma que «ou resto dous partidos ou que propoñen é un pacto anti Feijóo»
As eleccións autonómicas están á volta das esquina. O vindeiro domingo 12 de xullo celébranse comicios nun contexto post pandemia. Por iso, o alcalde do Concello da Laracha, José Manuel López Varela, analiza que será o mellor para Galicia
Teniendo en cuenta que o Partido Popular é quen goberna actualmente na Xunta de Galicia ¿que balance xeral fai da xestión a nivel galego?
A xestión do goberno de Feijóo á fronte da Xunta foi sempre exemplar en todas as áreas. Hoxe Galicia ten menos paro que hai unha década e unha taxa de desemprego inferior á do conxunto de España. O investimento en políticas sociais é o máis alto da historia. Con Feijóo de presidente duplicáronse as prazas públicas de atención a persoas maiores ou con discapacidade. Cada ano estamos a bater o récord de turistas, superando os cinco millóns en 2019. A educación pública galega é pioneira en impartir materias como a robótica ou a programación, e estamos nos primeiros postos nacionais no investimento en universidades. E en sanidade pública estase destinando máis do corenta por cento do total do orzamento, máis que nunca. Nunha crise sanitaria tan complicada como a que estamos vivindo, a xestión da Xunta mereceu a felicitación do Goberno central. Posibilitou que Galicia fose a primeira comunidade en saír do estado de alarma. Por todo iso, polos feitos, na figura de Feijóo o Partido Popular ten o mellor candidato e Galicia, o mellor presidente.
¿En que se beneficiou o Concello da Laracha durante esta mesma xestión?
A Xunta de Galicia de Feijóo está comprometida coa Laracha e sempre o demostrou con feitos e con investimentos neste concello. En materia sanitaria, acábase de ampliar o centro médico e PAC da Laracha. En emprego, preto de 400 persoas participaron nos obradoiros duais e xuvenís polos que apostamos no concello e na Xunta. Para formar a desempregados e realizar obras públicas de interese xeral. En educación, construíse o novo edificio de infantil no CEIP Otero Pedrayo. En servizos sociais, con Feijóo na Xunta creouse e púxose en funcionamento o centro de día e fogar residencial. Aumentáronse as horas de atención domiciliaria a dependentes e ampliáronse as prazas na escola infantil. Mellorouse a mobilidade coa creación das sendas peonís e ciclistas na AC-552. Actuacións na rede viaria en todas as parroquias e coa integración da Laracha no Plan de Transporte Metropolitano. Na ampliación da depuradora do Formigueiro investiuse case un millón e medio de euros, e máis de catro millóns na transformación do porto de Caión. E tamén contamos co apoio da Xunta na construción do centro comunitario de Caión. Tamén das pistas polideportivas a carón do instituto e do pavillón do colexio da Laracha.
¿Por que hai que volver votar ao candidato do PP nestas eleccións?
Porque a xestión de Feijóo é a súa mellor carta de presentación ó ofrecer unidade, experiencia, estabilidade, confianza e certezas baseadas en feitos. É o mellor presidente, conta cun excelente equipo e é o único candidato que pode garantir que traballará integramente sobre o seu programa electoral desde o día seguinte ó das eleccións sen depender de pactos con outras formacións.
¿O candidato do PP ao goberno galego repetirá maioría absoluta? ¿Como se podería compoñer o Parlamento de Galicia tras o 12 de xullo?
Penso que Feijóo obterá unha nova maioría absoluta e considero que agora iso é máis necesario que nunca. No momento actual é fundamental que en Galicia teñamos un goberno forte, estable e coas ideas claras para seguir tomando as decisións axeitadas para dar resposta ós problemas dos cidadáns.
¿Que valoración fai José Manuel López Varela dos distintos partidos políticos que se presentan a estes comicios?
Eu o único que podo valorar e a excelente xestión realizada na última década polo Partido Popular á fronte da Xunta de Galicia. E o seu proxecto de futuro plasmado no programa electoral. O resto dos partidos o que propoñen é un pacto anti Feijóo.
Algo máis para agregar…
Quero incidir na importancia que para A Laracha ten contar na Xunta de Galicia cun goberno forte, estable e implicado con nós. Neste concello fixéronse grandes actuacións na última década que non se poderían levar a cabo sen unha Xunta comprometida. E con Feijóo de presidente temos a certeza de que o seguirá estando.
