A inscrición aos programas de intercambio estará aberta entre mañá xoves 26 e o martes da próxima semana
O Concello formará parte de sendos programas xuvenís de intercambio nas cidades de Venecia (Italia) e Berlín (Alemaña), Se convida a participar a mozos laracheses de idades comprendidas entre os 18 e os 30 anos. Esta iniciativa é un dos resultados das relacións establecidas entre A Laracha e outros municipios e entidades de países do continente. A iniciativa é parte dos programas de irmandamento desenvolvidos a través de Europe for Citizens co financiamento da Unión Europea.
Para acudir a Berlín hai sete prazas dispoñibles. O programa desenvolverase do 27 de xuño ao 6 de xullo baixo a organización do Distrito de Renickendorf. Entre as actividades a realizar, inclúense visitas ás cidades de Dresdren e Postdam, museos e ao teatro Friedrich Stadt Palast.
No caso de Venecia, a organización será a cargo do Polo Tecnico Professionale de dita localidade italiana e desenvolverase do 2 ao 9 de xullo. Ademais de coñecer a cidade e outras localidades do seu entorno, visitaranse os puntos de interese máis importante e realizaranse actividades culturais. Hai dez prazas dispoñibles para mozos da Laracha.
Inscrición
Os participantes, que viaxarán acompañados por monitores, soamente deberán abonar 100 euros como cota de inscrición. A organización paga os gastos do aloxamento, manutención, desprazamentos no destino, entradas aos museos e todas as actividades que se leven a cabo.
A inscrición oas programas, exclusiva para empadroados no Concello da Laracha, abrirase mañá xoves e pecharase o martes da próxima semana, día 31 de maio. Débese cubrir o formulario de inscrición dispoñible na web alaracha.gal. No caso de que se rexistren máis solicitudes que prazas dispoñibles, faríase un sorteo público.
