Xoán Sande, portavoz do Bng, leva ao pleno as queixas dos habitantes de núcleos do rural da Laracha. Carolina Castiñeiras pedirá «a creación dunha escola de música municipal no Concello»
O Bng da Laracha trasladará ao próximo pleno da corporación do venres 27, as queixas de veciñas e veciños do núcleo rural polo novo alumeado público. «Téñenos chegado varias queixas ao respecto, xa que o cambio do alumeado público por tecnoloxía LED está supoñendo unha iluminación insuficiente. Desde o Bng da Laracha acreditamos na necesidade do aforro enerxético e a reducción da contaminación lumínica. Iso ten que facerse dun xeito equilibrado e non deixando núcleos rurais cunha iluminación insuficiente mentres se iluminan zonas urbanas», afirma Xoán Sande, portavoz do grupo.
Escola de música
Pola súa parte, la concelleira Carolina Castiñeiras, leva unha moción na que solicita «dotar de una liña de axudas para estudos ou actividades relacionadas coa aprendizaxe musical». Y, ademáis, «valorar a creación dunha escola de música municipal no Concello da Laracha. Co fin de «ampliar a oferta de educación musical e a promoción de novas artistas».
A concelleira explica que «diversos estudos teñen demostrado que a aprendizaxe musical axuda ao desenvolvemento do cerebro dende idades temperás. Contribuíndo a diversas áreas como a linguaxe, as matemáticas, ou incluso para reforzar ao alumnado que teña dificultades na aprendizaxe».
«Este goberno municipal -siñala- dispón de bolsas de axuda a, por exemplo, deportitas individuais. Pero non se contemplan axudas económicas relacionadas coa música. Dende o Bng pensamos que debera corrixirse. É moi probable que existan rapaces e rapazas que deixen esta actividade ou que nin sequera a comecen polo custe económico que supón para as familias».
